,,შეწყდეს უკანონო დაჯარიმებები“, ,,არა ჰომოფობიურ განცხადებებს“ -ამ ტრანსფარანტებით დღეს ბათუმელი მძღოლები საპატრულო პოლიციის შენობასთან შეიკრიბნენ . ისინი საპატრულო პოლიციის თანამშრომლების მხრიდან მუქარაზე და უკანონო ჯარიმებზე საუბრობდნენ და აჭარის საპატრულო პოლიციის უფროსის კახაბერ ბუხრაძის გადადგომას ითხოვდნენ. ა/ო ,,კორუფციასთან ბრძოლის საინფორმაციო ცენტრის“ ხელმძღვანელის ინფორმაციით აჭარაში მიმდინარე უკანონო ჯარიმებსა და საპატრულოს უფროსის კორუფციულ გარიგებებში მონაწილეობაზე საქართველოს გენერალურ ინსპექციაში მოკვლევა დაწყებულია. მერაბ ღოღობერიძის თქმით იგი დაკითხვას ელოდება, რათა სამართალდამცავ ორგანოებს დარღვევაზე დეტალური ინფორმაცია მიაწოდოს. ინფორმაციას არ ადასტურებენ შინაგან საქმეთა სამინისტროში. უწყების განმარტებით ფაქტზე გამოძიება არ დაწყებულა. მათივე თქმით საკადრო ცვლილებები მთელი ქვეყნის მასშტაბით როტაციის პრინციპით განხორციელდა.
1
s
s
s