16, იანვარი 2019 20:03:00
ქვეყნის მასშტაბით დეცენტრალიზაციის სტრატეგიის განხილვა დაიწყო. რას გულისხმობს დოკუმენტი და რა შენიშვნები აქვთ თვითმმართველობების და მესამე სექტორის წარმომადგენლებს?
გაზრდილი უფლებამოსილებები მუნიციპალიტეტებს განათლების მიმართულებით, სკოლების დაქვემდებარება ადგილობრივ თვითმმართველობებზე - ეს ის საკითხებია, რომლებიც დეცენტრალიზაციის სტრატეგიის პროექტის განხილვაზე წარადგინეს.
გამჭვირვალე თვითმმართველობების შექმნა და ადგილობრივ დონეზე დელეგირებული უფლებამოსილება - დეცენტრალიზაციის სტრატეგია ამ მიზნებით იმუშავებს. შეხვედრაზე ითვვა, ქვეყანა მზადაა იმისთვის, რომ მეტი უფლებები ჰქონდეს ადგილობრივ ხელისუფლებას.
ხელვაჩაურის საკრებულოს თავმჯდომარე თვლის, რომ ადგილობრივ ხელისუფლებებს სტრატეგიით წარდგენილ უფლებებზე მეტი უნდა გააჩნდეთ.
დეცენტრალიზაციის სტრატეგიას იწონებს შუახევის მუნიციპალიტეტის მერი. ფრიდონ ფუტკარაძის განცხადებით, ადგილობრივ დონეზე უფლებამოსილების გაზრდა მოქალაქეების პრობლემების დროულად გადაჭრას უზრუნველყოფს.
სტრატეგიით გათალისწინებულ უფლებამოსილებებთან დაკავშირებით შენიშვნები ჰქონდა ქედის მუნიციპალიტეტის მერს.
დოკუნეტს იწუნებს მესამე სექტორიც. სამოქალაქოს საზოგადოების ინსტიტუტის წარმომადგენელს აინტერესებდა თუ რატომ დადგა დღის წესრიგში მუნიციპალიტეტების უფლებამოსილების გაზრდის საკითხი.
დეცენტრალიზაციის სტრატეგიის განხილვა ეტაპობრივად კიდევ 5 რეგიონში გაიმართება. შეხვედრები 19 იანვარს დასრულდება.