14, მარტი 2017 17:31:00
ცოტა ხნის წინ დასრულდა ბათუმის საქალაქო სასამართლოში ბათუმი პლაზასთან 4 დღის წინ დაკავებული ჯიმშერ ვარშანიძისა და რამაზ ხიმშიაშვილის სასამართლო პროცესი. მოსამართლე გოჩა ფუტკარაძის გადაწყვეტილებით, პროცესი ერთი კვირით გადაიდო, ვინაიდან მხარეებმა შესაბამისი მტკიცებულების წარდგენა შეძლონ. სხდომაზე ბრალდებულების ადვოკატმა შუამდგომლობაც დააყენა. მათი თქმით, ოჯახური პირობების გამო, მტკიცებულებების შეგროვება და მოწმეების მოძიება ამ დრომდე ვერ შეძლეს. ბრალდებულების ადვოკატს მიაჩნია, რომ მტიცებულების მოპოვების შედეგად, მისი დაცვის ქვეშმყოფის უდანაშაულობა დამტკიცდება. ჯიმშერ ვარშანიძე და რამაზ ხიმშიაშვილი პლაზას მიმდებარე ტერიტორიაზე არასწორი პარკირების გამო პატრული მათ დაჯარიმებას ცდილობდა, რა დროსას შინაგან საქმეთა სამინსიტროს ცნობით, მოქალაქეებმა სამართლადამცავეს წინააღმდეგობა გაუწიეს. სწორედ, აღნიშნული პირების დაკავებას მოჰყვა 11-12 მარტის ხმაურიანი აქცია. ამ დროისათვის აქციის დროს დაკავებული სულ 13 პირის პროცესი შედგა, მათგან 6 შუამდგომლობის შედეგად დროებით გადაიდო, ხოლო 7 მოქალაქე ადმინისტრაციული წესით 250 ლარით დააჯარიმეს.