07, მარტი 2019 17:06:00
„112“-ის მობილურ აპლიკაციაში დღეიდან ოჯახში ძალადობის შესახებ ინფორმაციისა და სასარგებლო რჩევების მოძიებაც არის შესაძლებელი. დაინტერესებული პირები მოიძიებენ ინფორმაციას, რა არის ოჯახში ძალადობა და როგორია მისი ფორმები. აპლიკაცია მოქალაქეებს ამომწურავ ინფორმაციას აწვდის არსებული სახელმწიფო სერვისების შესახებ. ოჯახში ძალადობის შესახებ ცნობები ქართულ, ინგლისურ და რუსულ ენებზეა ხელმისაწვდომი. აპლიკაცია „ერთად დავძლიოთ ქალთა მიმართ ძალადობა“ პროექტის ფარგლებში მომზადდა.