14, მარტი 2017 20:38:00
ბათუმის საერთაშორისო საუნივერსიტეტო კლინიკის დირექტორის გუშინ გაკეთებულ განცხადებას, სამედიცინო დაწესებულების ყოფილი დირექტორები დღეს გამოეხმაურნენ. ისმეთ დინდარის ბრალდებას იმასთან დაკავშირებით, რომ უღრულ თოქმანი და მეჰმეტ ჯან ასლანჯა ჰოსპიტალის თანამშრომლებს მუქარის შემცველ შეტყობინებებს სამუშაო მაგიდებზე უტოვებენ, აბსურდული უწოდეს. მათი განმარტებით, შენობაში შესვლა სასამართლოს ძალით აქვთ აკრძალული. ჰოსპიტალში 50 სათვალთვალო კამერაა დამონტაჟებული და აღნიშნულის დამტკიცება, ძალიან ადვილია. მათივე მტკიცებით, ისმეთ დინდარის მხრიდან მსგავსი ბრალდება პირველი არ არის. შეგახსენებთ, რომ ფინანსური პრობლემების გამო 2017 წლის ბოლომდე ხელმძღვანელობამ ექიმებს 15% -ით ნაკლები ხელფასის გადახდა შესთავაზა. რამდენიმე ექიმი სამსახურიდან გაათავისუფლა, ნაწილს ხელშეკრულების პირობები შეუცვალა, რასაც პროტესტი მოჰყვა.