11, მარტი 2019 17:02:00
1 აპრილიდან პლასტიკის პარკების გამოყენება და წარმოება აიკრძალება. მას ბიოდეგრადი პარკები ჩაანაცვლებს. ამის შესახებ გარემოს დაცვისა და სოფლის მეურნეობის მინისტრი საუბრობს. მისივე ინფორმაციით, მწარმოებლებს წლის ბოლოს ვალდებულებები გაეზრდებათ. კონკრეტულად კი, ცვლილება გარკვეული პროდუქციის მწარმოებლებისა და იმპორტიორების მიერ, წარმოქმნილი ნარჩენების მართვას გულისხმობს. ცნობისთვის, 15 მიკრონზე ნაკლები სისქის პლასტიკის გამოყენება, იმპორტი და წარმოება გასული წლის პირველი ოქტომბრიდან აიკრძალა. რეგულაციას საქართველოს, ასოცრების ხელშეკრულება ავალდებულებს. აკრძალვის მიზანი გარემოზე უარყოფითი ზემოქმედების რისკების შემცირებაა.