11, მარტი 2019 20:03:00
მოუწესრიგებელი გზა და საკანალიზაციო სისტემა. ცხოვრება მტვერის, ტალახისა და აუტანელი სუნის პირობებში. ანგისის ქუჩაზე მცხოვრებლები მერიისგან პასუხს ითხოვენ. მოქალაქეები უწყებას წინასაარჩევნოდ გაცემულ დაპირებას ახსენებენ. პრეტენზიები აქვთ მძღოლებსაც.
ეს ანგისის ქუჩაა. აქ მცხოვრებლები გზის მოწესრიგებას 4 წელია უშედეგოდ ელოდებიან. ზაფხულში მტვერი, გაწვიმებისას კი ტალაი აწუხებთ. მოუწესრიგებელი ინფრასტრუქტურის გამო ტერიტორიაზე მწერები და მღრნელები მომარვლდა. ამბობენ, რომ ბოლოს დაპირება წინასაარჩევნოდ მიიღეს.
მოუწესრიგებელი გზის გამო პრეტენზიები მძღოლებსაც აქვთ. ამბობენ, რომ ქუჩაზე გადააგილების შედეგად ავტომობილები ხშირად ზიანდება. ამბობენ, რომ ზარალია დიდია. ისინი მერიის შესაბამის სამსახურს დროული რეაგირებისკენ მოუწოდებენ.
გზის კეთილმოწყობა ერთადერთი მოთხოვნა არ არის. აქ მცხოვრებლები საკანალიზაციო სისტემის მოწესრიგებასის აუცილებლობასაც ხედავენ. ამბობენ, რომ პრობლემამ თავი განსაკუთრებით ბოლო ერთი თვის მანძილზე იჩინა. შამბოებიდან წყალი იღვრება და ქუჩა იტბორება, რის შედეგადაც გაუსაძლისი სუნი დგება.
პრობლემას იცნობენ ბათუმის მერიაში. უწყებაში განმარტეს, რომ ანგისის ქუჩაზე მიწისწვეშა კომუნიკაციების რეაბილიტაციის სამუშაოებზე ტენდერი გამოცხადებულია. ჯაბა ტუღუშის თქმით, წყალანირების სისტემა გაზაფხულზე მოწესრიგდება.
რაც შეეხება გზის მოწესრიგებას. მერიის ინფრასტრუქტურის სამსახურში სატელევიზიო კომენტარი არ გაკეთდა. სიტყვიერად კი განმარტეს, რომ სამუშაოები წყალარინების სისტემის რეაბილიტაციის დასრულების შემდეგ დაიწყება.