სამშაბათი 18, ივნისი 2019

დაასაჩუქრა თუ არა ქობულეთის მერმა მინისტრები და მთავრობის თავჯდომარე?

15, მარტი 2019 17:10:00

დაასაჩუქრა თუ არა ქობულეთის მერმა მინისტრები და მთავრობის თავჯდომარე?  საახალწლო ამანათები, რომელიც ბიუჯეტის ფულით შეიძინეს, სავარაუდოდ, მინისტრებმა და რეგიონის პირველმა პირმა მიიღეს. ხელშეკრულება ერთ-ერთ კომპანიასთან 1 800 ლარზე გაფორმდა, რომელმაც დამკვეთს ძვირადღირებული შოკოლადები, ალკოჰოლური სასმელები და ჩურჩხელები მიაწოდა. ტკმილეული აჭარის ჯანდაცვის მინისტრმა მიიღო. ზაალ მიქელაძემ სატელეფო საუბრისას გვითხრა, რომ მუნიციპალიტეტიდან შოკოლადები კალათით გაუგზავნეს. თუმცა მოგვიანებით დაგვიკავშირდა და გვითხრა, რომ მირიან ქათამაძისგან საჩუქარი არ მიუღია. საჩუქრები მიიღო აჭარის სოფლის მეურნეობის მინისტრმა, თუმცა ტიტე აროშიძეს არ ახსოვს რა სახის ძღვენი იყო. თითქმის იდენტური პოზიცია აქვს აჭარის ფინანსთა და ეკონომიკის მინისტრსაც. ჯაბა ფუტკარაძემ საახალწლოდ ბევრი საჩუქარი მიიღო. თუმცა ვერ იხსენებს იყო თუ არა გზავნილის ადრესატი ქობულეთის მერია. მუნიციპალიტეტიდან საჩუქრის მიღებას კატეგორიულად უარყოფს რეგიონის პირველი პირი. თორნიკე რიჟვაძის მტკიცებით, ბიუჯეტის ფულით საჩუქრებს მათი ხელისუფლების არცერთი წარმომადგენელი არ ყიდულობს. ვის რა შეხვდა საახალწლოდ ქობულეთის მერიისგან და როგორ ფასდება მუნიციპალიტეტის პატივიცემა? უფრო მეტ დეტალს და მხარეთა პოზიციებნს ამ საღამოს ცხრის ნახევარზე შემოგთავაზებთ. 

ავტორი(ები)

611