ამორტიზებული გზა და დასახლება გარე განათების გარეშე. სოფელ თხილნარში მცხოვრებლები ინფრასტრუქტურული პრობლემების მოგვარებას ითხოვენ. რატომ ახსენდება ადგილობრივ ხელისუფლებას მოქალაქეები მხოლოდ წინასაარჩევნოდ?
ნანი სულაქველიძე სახლში მისასვლელად ამ გზით სარგებლობს. მას ტერიტორიაზე გადაადგილება მოუწესრიგებელი გზის გამო უჭირს. ამბობს, რომ სარეაბილიტაციო მონაკვეთი 20 წლის განმავლობაში ერთხელაც არ შეკეთებულა.
გზის პრობლემის გამო, ნანი სულაქველიძის მსგავსად, თხილნარის მეურნეობაში მცხოვრებლებს ადგილობრივი თვითმმართველობისთვის არაერთხელ მიუმართავთ., თუმცა ამბობენ, რომ ისინი მხოლოდ არჩევნების დროს ახსენდებათ.
ინფრასტრუქტურის გარდა, თხილნარის მეურნეობაში მოსახლეობას გარე განათების პრობლემაც აწუხებთ. აქ ამბობენ, რომ შებინდებისას ტერიტორიაზე მაწანწალა ძაღლებისა და ტურების სიმრავლეცაა. სწორედ ამის გამო, ზამთრის პერიოდში სკოლიდან ბავშვები მარტო ვერ მოდიან. ისინი შესაბამის სამსახურებს დახმარების თხოვნით მიმართავენ.
აჭარის საავტომობილო გზების დეპარტამენტში ირწმუნებიან, რომ წელს საავტომობილო გზას ორმულად შეაკეთებენ, ხოლო 2020 წლისთვის მონაკვეთის სრული რებილიტაცია მოხდება.
რაც შეეხება გარე განათებას, ხელვაჩაურის მერია პრობლემის მოგვარებას გზის სარეაბილიტაციო სამუშაოების დასრულების შემდეგ გეგმავს.
თხილნარის მეურნეობაში 500-მდე ოჯახი ცხოვრობს.
1
s
s
s