22, მარტი 2019 17:11:00
ოპოზიცია ბათუმის შოთა რუსთაველის სახელმწიფო უნივერსიტეტის რექტორის სკანდალში გახვევის ფაქტის გამოძიებას ითხოვს. „ნაციონალური მოძრაობის“ წევრს მიაჩნია, რომ ხელისუფლება პრორუსულ პოლიტიკას ატარებს. ელგუჯა ბაგრატიონს ამის თქმის საფუძველს კი ის გარემოება აძლევს, რომ მომხდართან დაკავშირებით გამოძიება არ მიმდინარეობს. აჭარის განათლების სამინისტროში სატელევიზიო კომენტარს არ აკეთებენ, პირად საუბრებში კი ამბობენ რომ, უნივერსიტეტის რექტორმა ფაქტთან დაკავშირებით ამომწურავი განცხადება გუშინ გააკეთა.