22, მარტი 2019 17:05:00
წელს, ევროპის ჩემპიონატს ძალოსნობაში, ბათუმი უმასპინძლებს. შეჯიბრში მონაწილეობას კოსოვოც მიიღებს, დელეგაცია კი საქართველოში უვიზოდ შემოვა. ამის შესახებ საქართველოს მთავრობის განკარგულებაშია ნათქვამი. ამასთან, დოკუმენტში წერია, რომ გადაწყვეტილება საქართველოს მხრიდან, კოსოვოს რაიმე ფორმით აღიარებას არ ნიშნავს. დელეგაციის ქვეყანაში შემოსვლის საჭირო პროცედურებს შინაგან საქმეთა სამინისტრო ზრუნველყოფს. „ძალოსნობის 2019 წლის ევროპის ჩემპიონატი“ ბათუმში 3-13 აპრილს გაიმართება.