რატომ ახდენდნენ ზეწოლას სოც. მუშაკებზე სააგენტოს ხელმძღვანელი პირები? გაფიცულები დღეს მუქარის შემცველ განცხადებებზე საუბრობდნენ. ქვეყნის მაშტაბით, ქუჩებში გასული სოციალური მომსახურების სააგენტოს თანამშრომლები სამუშაო პირობების გაუნჯობესებას, ხელფასებისა და ადამიანური რესურსის რაოდენობის გაზრდას ითხოვდნენ.
იმის გამო, რომ რეგიონში კრიზისული ცენტრი არ არსებობს, სოც მუშაკებს ქუჩაში მყოფი ბავშვების პოვნის შემთხვევაში ისინი პოლიციის განყოფილებებში ან სახლებში მიჰყავთ. მელანო მახარაძე ამბობს, რომ პრობლემა კიდევ უფრო მძიმდება შშმ პირის შემთხვევაში. სოც მუშაკი ქულების დათვლის სისტემაში არსებულ ხარვეზებზეც საუბრობს.
კრიზისული ცენტრის გახსნის გარდა, სოციალური მუშაკები სამუშაო პირობების გაუმჯობესებასაც ითხოვენ. ადამიანური რესურსების დამატება და ხელფასების ზრდა - მოთხოვნები საპროტესტო აქციაზე გაახმოვანეს. ამბობენ, რომ ხშირ შემთხვევაში სამუშაოს შესრულებისას ხელი ეშლებათ. გადაადგილება კი მუნიციპალური ტრანსპორტით, საკუთარი ხარჯებით უწევთ.
სოც მუშაკები ხელმძღვანელობის მხრიდან მუქარაზეც საუბრობენ. თამარ ყურაშვილი ყვება, რომ თემურ ჭანტურიშვილი და თემურ ქარცივაძე მას სამსახურიდან გაშვებით დაემუქრნენ.
ბრალდებებს უარყოფენ ადრესატები. თემურ ქარცივაძისა და თემურ ჭანტურიშვილის განცხადებით,მსგავს შემთხვევას ადგილი არ ჰქონია.
საქართველოს ჯანდაცვის სამინისტროში აცხადებენ, რომ სოც მუშაკების მოთხოვნების ნაწილი უკვე შესრულებულია, ნაწილის გადაჭრაზე კი მუშაობენ.
სოც მუშაკებზე შესაძლო მუქარის ფაქტით მესამე სექტორი უკვე დაინტერსდა. არასამთავრობო ორგანიზაციამ "ახალგაზრდა იურისტთა ასოციაცია", შინაგან საქმეთა სამინისტროს უკვე მიმართა. „დემოკრატიის ინსტიტუტში“ კი თვლიან, რომ სისტემა დახვეწას მოითხოვს.
სოციალური მუშაკების აქცია ქვეყნის მასშტაბით სხვადასხვა ქალაქში დილიდან მიმდინარეობს. ვიდრე მათი მოთხოვნები არ შესრულდება, მუშაობის გაგრძელებას არ აპირებენ.
20
s
s
s