12, აპრილი 2019 17:14:00
აჭარის ტელევიზიისა და რადიოს მრჩეველთა საბჭოს ორი წევრი მაუწყებლის დირექტორის იმპიჩმენტს ითხოვს. გიგა ჩხარტიშვილი და ირაკლი დარცმელიძე ამტკიცებენ, რომ პროგრამული პრიორიტეტები საბჭოს გვერდის ავლით განსაზღვრეს. მათივე თქმით, კითხვებს აჩენბს ფონდების მიერ დაფინანსებული გადაცემებიც. მაუწყებლის მენეჯმენტმა გუშინ, განცხადება გაავრცელა, სადაც ნათქვამია, რომ მიმდინარე პროცესები უპირისპირდება მედიის დამოუკიდებლობას. ,,იმედს ვიტოვებთ, რომ მრჩეველთა საბჭო სიფრთხილით მოეკიდება ამ საკითხს, რადგან საქმე სიტყვის თავისუფლებას და საზოგადოებრივი მაუწყებლის აჭარის ტელევიზიისა და რადიოს დამოუკიდებლობას ეხება,“ - წერია განცხადებაში.