ოთხშაბათი 21, აგვისტო 2019

როგორ ფასდება აჭარის ტელევიზიის ირგვლივ განვითარებული მოვლენები

12, აპრილი 2019 20:05:00

მმართველი გუნდის მიერ ტელევიზიის  ხელში ჩაგდების მცდელობა თუ შიდა დაპირისპირება? უკავშირდება თუ არა პროცესები მოახლოებულ საპარლამეტო  არჩევნებს და  რატომ ეჭვობენ ოპოზიციაში რომ ხელისუფლებას ტელევიზიის თავისუფლების შეზღუდვა სურს ? აჭარის საზოგადოებრივი მაუწყებლის ირგვლივ განვითარებულ მოვლენებს პოლიტიკური შეფასებები უკვე მოჰყვა.

მრჩეველთა საბჭოს ერთ-ერთი წევრი, ირაკლი დარცმელიძე, რომელიც აჭარის ტელეევიზიისა და რადიოს დირექტორის იმპიჩმენტზე ღიად ალაპარაკდა, ამავე საბჭოში ,,ერთიანი ნაციონალური მოძრაობის” კვოტით არის წარმოდგენილი. პარტიაში ირწმუნებიან, რომ დარცმელიძეს გუნდში პოზიცია არ ჰქონდა შეთანხმებული და აცხადებენ, რომ იგი ბიძინა ივანიშვილმა მოისყიდა. რაც შეეხება მაუწყებლის ირგვლივ განვითარებულ მოვლენებს, ოპოზიცია პროცესებში მმართველი გუნდის ინტერესებზე საუბრობს.

ბორდის ორი წევრის, ირაკლი დარცმელიძისა და გიგა ჩხარტიშვილის მიერ დაყენებულ მოთხოვნას, პოლიტიკური პარტიების ერთობლივი განცხადება მოჰყვა. ხუთი პარტია მმართველი გუნდის ინტერესებზე საუბრობს და აცხადებენ, რომ ,,ქართული ოცნება“ მაუწყებლის სარედაქციო საქმიანობაში ჩარევას ცდილობს.

მაუწყებლის ირგვლივ განვითარებულ მოვლენებს მოახლოებულ საპარლამენტო არჩვენებს უკავშირებენ რესპუბლიკურ პარტიაში. ირაკლი ჩავლეიშვილი ეჭვობს, რომ პროცესები მართულია. ევროპულ საქართველოში კი არ გამორიცხავენ, რომ უმაღლეს საბჭოში, უნდობლობის საკითხი, თვით ბორდის მიმართ დააყენონ. 

პოლიტიკური პარტიების მიერ გავრცელებულ განცხადებას თავდაპირველად იზიარებდა პარტია ,,შენების მოძრაობაც“ თუმცა ბრიფინგამდე რამდენიემ წუთით ადრე, გიორგი მასალკინმა გადაწყვეტილება შეცვალა. მიზეზს იგი ასე ხსნის:

ბორდის კიდევ ერთი წევრი, გიგა ჩხარტიშვილი, საბჭოში მმართველ გუნდს წარმოადგენს. მიუხედავად ამისა, ქართულ ოცნებაში ჩხარტიშვილის ინიციატივასთან კავშირს გამორიცხავენ. ისინი პოლიტიკური ოპონენტების მოსაზრებებს არ იზიარებენ და ამტკიცებენ, რომ ერთადერთი, ვისაც მგავსი სცენარით მოვლენების განვითარება არ აწყობს, სწორედ მმართველი გუნდია. 

ხუთი პოლიტიკური პარტია მრჩველეთა საბჭოს, მესამე სექრტორსა და სადამკვირვებლო მისიებს საკითხის დაინტერესებისკენ მოუწოდებენ. 12 -მა არასამთავრობო ორგანიზაციამ დღეს ერთობლივი განცხადება გაავრცელა, სადაც ნათქვამია, რომ აჭარის ტელევიზია ნათია კაპანაძის დირექტორობის პერიოდში არაერთი საერთაშორისო და ადგილობრივი ავტორიტეტული ორგანიზაციის მხრიდან შეფასდა, როგორც თავისუფალი, მიუკერძოებელი და მზარდი ინსტიტუტი - მკვეთრად პოლარიზებულ და პოლიტიზირებულ მედიაგარემოში.

ავტორი(ები)

246