15, აპრილი 2019 21:19:00
აჭარის ტელევიზიისა და რადიოს დირექტორისათვის უნდობლობის გამოცხადების საკითხს 18 აპრილს განიხილავენ. რიგგარეშე სხდომა 11 საათზეა ჩანიშნული, სადაც დღის წესრიგით ნათია კაპანაძის იმპიჩმენტის გარდა, მიმდინარე საკითხებსაც დაეთმობა დრო. შესაბამისი განცხადება ტელეკომპანიის ოცილიალურ გვერდზე გამოქვეყნდა.
მრჩეველთა საბჭოს დღევანდელ სხდომას საზოგადოებრივი მაუწყებლის ბორდის წევრი ნინია კაკაბაძეც ესწრებოდა. მისი თქმით, შენიშვნები, რომელზეც კოლეგები საურობენ იმპიჩმენტის საფუძველს არ იძლევა.
ცნობისთვის, ნათია კაპანაძის იმპიჩმენტის საკითხს მრჩეველთა საბჭოს ორი წევრი - გიგა ჩხარტიშვილი და ირაკლი დარცმელიძე ითხოვს. ისინი მოქმედ დირექტორს პრიორიტეტების შეუსრულებლობას, მათთან კომინიკაციის არქონას, დაუსაბუთებელ ხარჯებსა და რეიტინგის ვარდნას ედავებიან.
ხუთი პოლიტიკური პარტია მრჩველეთა საბჭოს, მესამე სექრტორსა და სადამკვირვებლო მისიებს საკითხის დაინტერესებისკენ მოუწოდებენ. 12 -მა არასამთავრობო ორგანიზაციამ დღეს ერთობლივი განცხადება გაავრცელა, სადაც ნათქვამია, რომ აჭარის ტელევიზია ნათია კაპანაძის დირექტორობის პერიოდში არაერთი საერთაშორისო და ადგილობრივი ავტორიტეტული ორგანიზაციის მხრიდან შეფასდა, როგორც თავისუფალი, მიუკერძოებელი და მზარდი ინსტიტუტი - მკვეთრად პოლარიზებულ და პოლიტიზირებულ მედიაგარემოში.