ქობულეთის მუნიციპალიტეტში კი მოსახლეობას მოუწესრიგებელი საკანალიზაციო სისტემა უქმნის პრობლემას. გელაურის დასახლებაში, კერძოდ კი კაიკაციშვილის ქუჩაზე მცხოვრებლები ადგილობრივ ხელისუფლებას წლებია ახსენებენ ამის შესახებ. რატომ არ რეაგირებს თვითმმართველობა მოქალაქეების მოთხოვნაზე?
ამ დაპირებას გელაურის დასახლებაში მცხოვრებლები მირიან ქათამაძეს ახსენებენ. ადგილობრივები მუნიციპალიტეტის პირველ პირს კაიკაციშვილის ქუჩაზე არსებული პრობლემების მოგვარებისკენ მოუწოდებენ.
გაუსაძლისის სუნი. მწყობრიდან გამოსული საკანალიზაზიო არხები და წყლით სავსე სარდაფები- პრობლემები კორპუსში მცხოვრებ 11 ოჯახს აწუხებს.
პრობლემამ თავი განსაკუთრებით მაშინ იჩინა, როცა თვითმმართველობამ დასახლებაში ცენტრალური საკანალიზაციო სისტემის რეაბილიტაცია განახორციელა. აქ მცხოვრებლები ამბობრნ, რომ მილზე კორპუსი არ დააერთეს. ადგილობრივების თქმით სუნი ახლადდამონტაჟებული ჭებიდანაც ამოდის.
ქობულეთის მერიამ პროექტის განხორციელებისთვის 1 მილიონ ნახევარი ლარი დახარჯა. გასულ წელს მილის ხელახალი რეაბილიტაციისთვის მუნიციპალიტეტმა 30 ათასი ლარი გამოყო. ოპოზიცია ეჭვობს, რომ თანხები არამიზნობრივად დაიხარჯა.
კიდევ ერთი საკითხი, რომელზეც ოპოზიცია ყურადღებას ამახვილებს, საკანალიზაციო მაგისტრალის დაზიანებული საყრდენი ბოძია. ერთიანი ნაციონალური მოძრაობის წევრი ამბობს, რომ კონსტრუქცია სასწრაფო გამაგრებას საჭიროებს.
ქობულეთის მუნიციპალიტეტის მერიაში ირწმუნებიან, რომ კაიკაციშვილის ქუჩის 19 ნომერში მცხოვრებლებს უწყებისთვის არ მიუმართავს. თვითმმართველობაში განმარტავენ, რომ მოქალაქეებმა ცენტრალური მაგისტრალიდან კორპუსამდე მილი საკუთარი ხარჯებით უნდა გაიყვანონ. ადგილობრივები კი მათი მოთხოვნების დაუკმაყოფილებლობის შემთხვევაში პროტესტის ნიშნად საფასურის გადახდას არ აპირებენ.
14
s
s
s