17, მაისი 2019 20:41:00
გოდერძის კურორტი აუცილებლად გახდება საერთაშორისო სტანდარტების მქონე კურორტი - განცხადება მამუკა ბახტაძემ კურორტზე საინვესტიციო პროექტების დათვალიერების შემდეგ განაცხადა. „უკვე არსებობს განვითარების გენერალური გეგმა, რაც არის იმის წინაპირობა, რომ კურორტ გოდერძის ჩვენ განვავითარებთ ისე, რომ ის გახდება აუცილებლად საერთაშორისო სტანდარტების მქონე კურორტი. სასტუმროების მშენებლობა უკვე მიმდინარეობს სწრაფი ტემპით, ამასთან ერთად, იგეგმება ახალი საბაგიროს დაპროექტება“ - განაცხადა პრემიერ-მინისტრმა. მამუკა ბახტაძემ ისაუბრა გოდერძის გაზიფიცირების საკითხზეც. სამუშაობის დაწყება ნოემბრისთვის იგეგმება. ამ ეტაპზე, კურორტზე 19 საინვესტიციო პროექტი მიმდინარეობს, რომელთა ინვესტიციის ჯამური მოცულობა 150 მილიონი ლარია. მუშაობა დაწყებულია გოდერძის ბუფერული ზონის განვითარების დოკუმენტზეც. პრემიერმა ისაუბრა მწვანე ტბისა და კურორტ ბეშუმის განვითარებაზეც.