23, მარტი 2017 20:35:00
ბათუმში საზღვაო აკადემიური საკონსულტაციო საბჭოს პირველი სხდომა გაიმართა, რომელზეც საკრუინგო კომპანიების, საზღვაო სასწავლო-საწვრთნელი დაწესებულებების წარმომადგენლებმა, სფეროს ექსპერტებმა და ლოცმანებმა საზღვაო განათლების ხარისხის გაუმჯობესების საკითხებზე იმსჯელეს. განიხილეს საზღვაო განათლების სფეროში საგანმანათლებლო პოლიტიკის განვითარების, ასევე ქართველი კადეტების და მეზღვაურების საერთაშორისო ბაზარზე მეტად წარმოჩენის საკითხები. აკადემიური საკონსულტაციო საბჭო მიმდინარე წლის 7 მარტს, საზღვაო ტრანსპორტის სააგენტოს ხელმძღვანელის ბრძანებით შეიქმნა. საბჭო კვარტალში ერთხელ შეიკრიბება.