28, მაისი 2019 15:03:00
ბრალდებული და მსჯავრდებული პირებისთვის განათლების ხელმისაწვდომობის პროგრამის ფარგლებში 2019 წლის ერთიან ეროვნულ გამოცდებში მონაწილეობას 17 პატიმარი მიიღებს. რაც შეეხება პატიმრობაში მყოფ პირთა პროფესიული განათლების პროგრამაში მონაწილეობას, განათლების, მეცნიერების, კულტურისა და სპორტის სამინისტროს ინფრომაციით, 2019 წელს, ჯერჯერობით პატიმრები პროფესიულ პროგრამებზე ჩართული არ არიან .2019 წელს სამინისტრომ დაამტკიცა პროგრამა ,,მსჯავრდებული პირებისათვის და ყოფილი პატიმრებისათვის პროფესიული განათლების მიღების ხელმისაწვდომობა’’ თუმცა იუსტიციის სამინისტროს მხრიდან პატიმრობაში მყოფ ბენეფიციართა პროფესიულ პროგრამაში ჩასართავად დღემდე არ არის მოთხოვნა წარმოდგენილი. გთავაზობთ სტატისტიკას, რომელიც წინა წლებში პატიმრების პროფესიულ პროგრამებში ჩართულობას ასახავს: 2014 წელს- 59; 2015 წელს -418; 2016 წელს – 1004; 2017 წელს – 1101; 2018 წელს – 626 პირი. 2014-2018 წლებში სულ 3 208 ბენეფიციარი გადამზადდა.