29, მაისი 2019 15:18:00
,,შავფაროსნები“ იყვნენ ადამიანთა ჯგუფი, რომელიც საქართველოს ისტორიის განმავლობაში ყოველ ეტაპზე არსებობდა. ქართველების მუდმივად საომარ მდგომარეობაში ყოფნამ საუკუნეების წინ ტრადიციული საბრძოლო ხელოვნების შექმნის საჭიროება მოითხოვა. შავფაროსნები, რეალურად არსებული ქართველი ნინძები იყვნენ. ისინი არაჩვეულებრივი ფიზიკური მომზადებით გამოირჩეოდნენ. რადგან რიცხობრივი უპირატესობა უმეტეს შემთხვევაში მტრის მხარეს იყოს, ქართველები იძულებული იყვნენ ისინი საბრძოლო სტრატეგიითა და ბრძოლის განსაკუთრებული მეთოდებით დაემარცხებინათ. ამისთვის მოწინააღმდეგეს თავს ძირითადად ღამით ესხმოდნენ. მთვარის შუქზე შეუმჩნევლად რომ ემოძრავათ, ისინი საბრძოლო ფარებს შავად ღებავდნენ და შავ სამოსში "იმურებოდნენ". ამის გამო მტერმა მათ „ყარა ყალღან“, ანუ შავფაროსნები უწოდა. შავფაროსნები საოცარ საბრძოლო ხერხებს ფლობდნენ და საჭიროების შემთხვევაში თვალებახვეულებს და ხმლით ცალი ხელით ბრძოლაც შეეძლოთ. ჩვენს დროში ბრძოლის ამგვარი ფორმა საბრძოლო-სანახაობრივ ხელოვნებად იქცა. დღეს ქართულ საბრძოლო ხელოვნებას სპორტულთან ერთად თეატრალური მიმართულებაც აქვს და შეჯიბრებზე მონაწილეობის პარალელურად ,,შავფაროსნები“ სანახაობებსაც დგამენ.
ინფორმაცია თანამედროვე ,,შავფაროსნებზე":https://www.youtube.com/watch?v=vzHwhSeH7nM&fbclid=IwAR2GRCrU-5Ls5RdoAeHDtpzlUIRJqBC7kiysH8ge2JDaQc3V_Qk_YmurmNg