პეტრას ციხე, ქობულეთიდან 3-4 კილომეტრის დაშორებით მდებარეობს. სოფელ ციხისძირის სახელიც მას უკავშირდება . იგი იმპერატორ იუსტინიანეს ბრძანებით ბერძენმა იოანე სტრატიგოსმა მეექვსე საუკუნის ოცდაათიან წლებში ააშენა და იმპერატორის საპატივცემულოდ „იუსტინიანეს ქალაქი“ უწოდეს „პეტრა“ ბერძნულად კლდეს ნიშნავს. ქართულ საისტორიო წყაროებში ის ,,ქაჯეთის ციხედაც'' იწოდება. ბიზანტიელი ისტორიკოსი გვამცნობს: „პონტოს შემდეგ მდებარეობს ლაზიკე, სადაც არის ქალაქი პეტრა. პეტრა მიუვალ ციხედ ითვლებოდა.სავარაუდოდ, ვეფხისტყაოსანში სწორედ ეს ციხეა მოხსენიებული. არქეოლოგიური კომპლექსი მოიცავს ციტადელს. გარექალაქსა და ნასახლარს. ციტადელში შემორჩენილია სასახლის, ანტიკური აბანოს, სამეურნეო და ჯარისკაცთა საცხოვრებლების ნანგრევები, აგრეთვე მათ შორის VI-VII საუკუნეების ბაზილიკის საძირკველი, რომელიც პეტრის საეპისკოპოსოს კათედრალის ნაშთია. ციხის ტერიტორიაზე პირველი გათხრა 1934 წელს ჩატარდა. 1908 წელს არქეოლოგებმა აღმოჩინეს მდიდარი სამარხი . გათხრებისას აღმოჩენილი განძის კვლევამ დაადგინა რომ პეტრას ციხე ახალი წელთაღრიცხვის პირველ საუკუნეებში ერისთავის სარეზიდენციო პუნქტი ყოფილა. ვენეციელი დესპანის ამბროზიო კონტარინის ცნობით XV საუკუნის 70-იან წლებში აქ კიდევ ყოფილა პატარა ქალაქი, რომელსაც იგი დამახინჯებული ფორმით „კალტიხეა“-ს (ქაჯეთის ციხე) უწოდებს. XVIII საუკუნის 20-იან წლებში ციხისძირი ოსმალებმა დაიპყრეს . 1878 წელს ციხისძირი საქართველოს დაუბრუნდა ბერლინის ტრაქტატით. ციხის დასავლეთი ნაწილი ბაქო-ბათუმის რკინიგზის გაყვანის დროს მე-19 საუკუნეში ააფეთქეს.
უნიკალური აღმოჩენები პეტრას ციხეზე:https://www.youtube.com/watch?v=gjk76hP38Qc&fbclid=IwAR0xn-LXO4R2JLgIFipeYsbA-DCC172GsaNnzzhbulj40AJzQczuKdlHoOg
16
s
s
s