06, ივნისი 2019 20:48:00
9 წლის წინ მიღებულმა გადაწყვეტილებამ მარინე ფუტკარაძის ცხოვრება მნიშვნელოვნად შეცვალა. ბავშვთა თავშესაფარში პარასპორტსმენებს შორის მკლავჭიდში მონაწილეობამ, მის ფიზიკურ შესაძლებლობებზე დააფიქრა. 27 წლის ასაკში კი უკვე 8 გზის მსოფლიო და ევროპის ჩემპიონია. ბოლო წარმატება ერთი თვის წინ მოიპოვა.
ამბობს, რომ წარმატება მუდმივი შრომით მიიღწევა, სწორედ ამიტომ, ყოველდღე ვარჯიშობს. ყოველთვის დარწმუნებული იყო, რომ მის შესაძლებლობებს მსოფლიო ნახავდა. ახლა კი მიზნისკენ სწრაფვისთვის საჭირო ხერხებს, მოსწავლეებს ასწავლის.
ახალგაზრდა ქალის შესაძლებლობელი წლების წინ, თემურ ლიპარტაშვილმა აღმოაჩინა. მარინასთან მისი პირველი შეხვედრა, ბავშვთა სახლში შედგა.
მკლავჭიდის ფედერაციის მთავარი მწვრთნელი, წარმატების გზაზე მარინასთან ერთად გავლილ სირთულეებს იხსენებს.
ახლა სპორტსმენისა და მწვრთნელის ახალი მიზანი, მსოფლიო ჩემპიონატზე კიდევ ერთი გამარჯვების მოპოვებაა.ამისთვის ორივე თავდაუზოგავად ვარჯიშობს. შეჯიბრი ოქტომბერში, რუმინეთში გაიმართება.