13, ივნისი 2019 17:30:00
ხელვაჩაურის საკრებულოს თავჯდომარის მრჩევლად ზვიად ხალვაში დაინიშნა. მან ამ თანამდებობაზე შეთავაზება ნადიმ ვარშანიძისგან მიიღო. ამბობს, რომ საკრებულოს მერიასთან ურთიერთობაში დაეხმარება, ამასთან თავჯდომარეს შესაბამის რჩევებსაც მისცემს. შეგახსენებთ, მანამდე ზვიად ხალვაში ხელვაჩაურის მერის მოადგილე იყო, მან თანამდებობა 26 თებერვალს დატოვა. ამის მიზეზი კი სავარაუდოდ, აუდიტის 2017 წლის დასკვნა გახდა, რომლის მიხედვითაც მუნიციპალიტეტის მიერ განხორციელებულ პროექტებში მნიშვნელოვანი ხარვეზები დაფიქსირდა.