28, მარტი 2017 17:08:00
ბათუმის მერიის ორგანიზებით, ამერიკულ კუთხეში ევროკავშირთან უვიზო მიმოსვლის დაწყებასთან დაკავშირებით ლექცია-სემინარი გაიმართა. ღონისძიებაში ბიბლიოთეკის მკითხველები და სხვადასხვა უმაღლესი სასწავლებლის სტუდენტები მონაწილეობდნენ. ლექცია-სემინარი შოთა რუსთაველის სახელობის სახელმწიფო უნივერსიტეტის ასოცირებულმა პროფესორმა ირაკლი ბარამიძემ ჩაატარა. მან საქართველოსა და ევროპის ურთიერთობების განვითარებასა და საქართველოს მომავალზე ევროპაში ისაუბრა. ღონისძიების დაწყებამდე საქართველოსა და ევროკავშირის ჰიმნები აჟღერდა.