აბსოლუტურად გააზრებული მაქვს ის დიდი შეცდომა, რომელიც დაუშვა ჩვენმა გუნდმა - აცხადებს პარტია „ქართული ოცნების“ გენერალური მდივანი. ვიდეო მიმართვაში, რომელიც კახი კალაძემ გაავრცელა, ქვეყანაში განვითარებული მოვლენებზეა საუბარი.
„ის, რაც ვნახეთ პარლამენტში, იყო ძალიან ცუდი სანახავი ყველასთვის. ჩვენი მხრიდან მაშინვე გაკეთდა რეაგირება, გაკეთდა ძალიან მკაფიო განცხადებები. თქვენ იცით ასევე, რომ პარლამენტის თავმჯდომარე ირაკლი კობახიძე იმყოფებოდა აზერბაიჯანში ოფიციალური ვიზიტით, მან ეს ვიზიტი შეწყვიტა და მეორე დღეს დაბრუნდა საქართველოში. თვითონ ფაქტი ძალიან მძიმე იყო და ამაზე სრული პასუხისმგებლობა ეკისრება ხელისუფლებას. მეც ვიზიარებ ამ პასუხისმგებლობას, რადგან ვარ იმ გუნდის წევრი, რომელიც დღეს ქეყნის სათავეშია და პარტია „ქართული ოცნება“ ჰქვია და აბსოლუტურად გააზრებული მაქვს ის დიდი შეცდომა, რომელიც დაუშვა ჩვენმა გუნდმა. მე ახლა არ დავიწყებ ახსნა - განმარტებების გაკეთებას, თუ ვისი ბრალი იყო, რატომ მოხდა, რატომ ჩატარდა სხდომათა დარბაზში ის სესია, რატომ იჯდა იმ კონკრეტულ სკამზე რუსი დეპუტატი. არ დავიწყებ არავისზე გადაბრალებას. ფაქტი, რომელიც მოხდა იყო ძალიან ცუდი და ჩვენი მხრიდან ჰქონდა ძალიან მკაცრი რეაგირება. პარლამენტის თავმჯდომარე დაბრუნდა თუ არა საქართველოში, მან მიიღო ღირსეული გადაწყვეტილება, გადადგა ღირსეული ნაბიჯი და დატოვა თანამდებობა. ასევე დატოვა დეპუტატის მანდატი იმან, ვინც უშუალოდ ორგანიზატორი იყო ამ ღონისძიების, ზაქარია ქუცნაშვილმა“, - აღნიშნა კალაძემ.
52
s
s
s