რეზინის ტყვიების აკრძალვის მოთხოვნით „სამოქალაქო მოძრაობამ“ პეტიცია მოამზადა. პეტიციის მოთხოვნაა, კანონში ცვლილება შევიდეს, რომლის მიხედვითაც რეზინის ტყვიებით საპროტესტო აქციის დაშლა აიკრძალება.
„პოლიციის შესახებ კანონის მე -12 მუხლი ადგენს იმ სპეციალური საშუალებების ჩამონათვალს, რომელიც შესაძლებელია იქნას გამოყენებული მშვიდობიანი დემონსტრაციების დროს. ამ ჩამონათვალში, არსადაა ნახსენები რეზინის ტყვიების გამოყენების შესაძლებლობა. როგორც ჩანს, კანონში არსებული ჩანაწერი – არალეტალური იარაღი, პოლიციის მხრიდან აღქმულია, როგორც რეზინის ტყვიების მომიტინგეების საპირისპიროდ გამოყენების შესაძლებლობა,“ – აღნიშნულია პეტიციის ტექსტში.
„ჩვენ ვითხოვთ კონკრეტულად იმ რეზინის ტყვიების აკრძალვას, რაც გამოიყენეს 20 ივნისის ღამეს. რეზინის ტყვიები შესაძლოა გამოიყენოს პოლიციამ, მაგრამ ექსპერტები უნდა შეთანხმდნენ მისი დარტყმის ძალის და მონაცემების შესახებ. ის, რაც 20 ივნისს გამოიყენეს, შეეძლო მოეკლა ადამიანი,“ – გვიყვება პაატა გიგაური, „სამოქალაქო მოძრაობის“ თავდაცვის და უსაფრთხოების განყოფილების ხელმძღვანელი.
პაატა გიგაურის თქმით, რეზინის ტყვია, რაც 20 ივნისს გამოიყენეს, ძირითადად ცხოველების შესაჩერებლად იყენებენ, როცა ისინი მიწის ნაკვეთებში აღწევენ და მათი მოკვლა არ სურთ.
„ამას იყენებენ რამდენიმე ქვეყანაში დემონსტრაციებზეც, მაგრამ ეს არ უნდა ისროლო 10 მეტრის რადიუსში, ამას სჭირდება სპეციალური ცოდნა, გადამზადება… ყველაზე მძლავრი რაც იყო, ის ჰქონდათ ნაყიდი,“ – აცხადებენ პეტიციის ავტორები.
68
s
s
s