24, ივნისი 2019 17:02:00
"თანამედროვე საზღვაო ტექნოლოგიები, სოციალურ-ეკონომიკური განვითარების პრობლემები და მათი გადაჭრის გზები“- საერთაშორისო სამეცნიერო კონფერენცია გაიმართა ბათუმში. ნავიგაციის სასწავლო უნივერსიტეტის მიერ ორგანიზებულ ღონისძიებაზე გამოცდილება ერთმანეთს 100-მდე მომხსენებელმა გაუზიარა. მათ შორის იყო 11 ევროპული საგანმანათლებლო დაწესებულების წარმომადგენელი. საერთაშორისო კონფერენციაზე განიხილეს ისეთი საკითხები, როგორიცაა გემბანზე ტვირთების დატვირთვის ხერხის სრულყოფა, ხილვადობა შავ ზღვაზე, ადამიანის სიცოცხლის დაცვის და პირველადი სამედიცინო დახმარების აქტუალური ასპექტები. რეკომენდაციები ბროშურებად შეიკვრება და გამოიცემა.