29, მარტი 2017 20:27:00
აჭარის განათლების სამინისტრომ „უმაღლესი განათლების ხელშეწყობის“ პროგრამის პრეზენტაცია გამართა. მიმდინარე წელს პროგრამით განსახორციელებელ პროექტებსა და მიმართულებებზე დღეს ინფორმაცია ბათუმის სახელმწიფო უნივერსიტეტის სტუდენტებსა და ლექტორებს გააცნეს. სამეცნიერო ღონისძიებებში მონაწილეობა, კონფერენციის მოწყობა, საზაფხულო სკოლა, უცხოენოვანი ლიტერატურის თარგმნა და საზღვარგარეთ სწავლა - ეს ის მიმართულებებია, რომელსაც სამინისტრო 2017 წელს განახორციელებს. სხვადასხვა პროგრამაზე საბუთების მიღება აჭარის განათლების სამინისტროში მიმდინარეობს.