28, ივნისი 2019 09:51:00
ხულოში, თანასოფლელის მკვლელობაში ბრალდებულ რემზი ბოლქვაძეს ბათუმის საქალაქო სასამართლომ აღკვეთის ღონისძიების სახით პატიმრობა შეუფარდა. მოსამართლის განცხადებით, ბრალდებული წარსულში ნასამართლევია და განმეორებით დანაშაულის ჩადენის რისკი არსებობს. თავის მხრივ ბრალდებულის ადვოკატი, აღკვეთის ღონისძიების სახით გირაოს შეფარდებას ითხოვდა.
გამოძიება დაკავებულს თანასოფლელის მკვლელობასა და ორი პოლიციელის დაჭრას ედავება.
შემთხვევა 25 ივნისს მოხდა.