28, ივნისი 2019 15:32:00
ა(ა)იპ აჭარის განათლების ფონდი (ბათუმის მასწავლებლის სახლი) აცხადებს საჯარო სკოლის
საბუნებისმეტყველო საგანთა მასწავლებლების შესარჩევ კონკურსს პოლონეთში, ვარშავის კოპერნიკის
საბუნებისმეტყველო მეცნიერებების სამეცნიერო ცენტრსა (Copernicus Science Centre) და ფონდში -
"სკოლა კლასთან" (School with Class Foundation) ერთკვირიანი სტაჟირებისათვის.
კონკურსის შედეგად შერჩეულ მასწავლებლებს საშუალება ექნებათ ერთი კვირის განმავლობაში
დაათვალიერონ კოპერნიკის სამეცნიერო ცენტრისა (Copernicus Science Centre) და ფონდის - "სკოლა
კლასთან" (School with Class Foundation) სხვადასხვა სამეცნიერო კვლევითი ლაბორატორიები,
ადგილზე ჩაატარონ სასკოლო ექსპერიმენტები, ასევე მოისმინონ საინტერესო მასტერ-კლასები
საბუნებისმეტყველო საგნების სწავლებაში თანამედროვე ტექნოლოგიების გამოყენების შესახებ.
კონკურსის შედეგად შეირჩევა: 3 ფიზიკის, 3 ქიმიის, 3 ბიოლოგიისა და 3 ბუნებისმეტყველების
პედაგოგი (I-IV და V –VI კლ.) აჭარის ავტონომიური რესპუბლიკის საჯარო სკოლებიდან. მათი
სტაჟირების სრული დაფინანსება განხორციელდება ა(ა)იპ აჭარის განათლების ფონდის (ბათუმის
მასწავლებლის სახლი) მიერ. სტაჟიორი ვალდებულია ვიზიტის დასრულებიდან ერთი თვის ვადაში,
საჯარო სკოლაში შექმნას არანაკლებ 10 წევრისაგან (მოსწავლე) შემდგარი სასკოლო კლუბი, რომლის
მოქმედების ვადაც განისაზღვრება არანაკლებ ერთი სასწავლო წლით.