01, ივლისი 2019 20:35:00
ისტორიული ობიექტები ქედაში. გიამბობთ , სოფელ ზუნდაგაში მდებარე რამდენიმე შენობაზე, რომელთაგან ერთი 2 საუკუნოვანი და კიდევ 4 - 100 წელზე მეტს ითვლის. რა დანიშნულება გქონდათ მათ წლების წინ და რა ისტორიებს ინახავენ ისინი დღემდე? ეკატერინე ბარამძე გიამბობთ
ქედის მუნიციპალიტეტის სოფელ ზუნდაგაში, შიდა სასოფლო გზაზე, ორ საუკუნეზე მეტი ხნის შენობა დგას. ობიექტი, რომლის პირველი სართული მდინარის ქვით, მეორე კი ხითაა აშენებული, ადგილობრივები „მეიდან ოდას“ ეძახიან. საუკუნეების წინ ამ სახლს სასტუმროს დანიშნულება ჰქონია და ღამეს აქ მექარავნეებთან ერთად, ბევრი უცხო სტუმარი ათევდა. ადგილობრივების თქმით, „მეიდან ოდას“ სტუმრის შესახებ, დარაბებიდან გამავალი ლამპის შუქი ამცნობდა. შენობასთან ერთად აქ დღემდე შემონახულია უძველესი სკივრი, ხის მაგიდები, ჭრაქი და სხვა საყოფაცხოვრებო ნივთები. საუკუნეების ისტორიის მქონე სოფლისა და იმდროინდელ სასტუმროზე ინფორმაციას სოფლის მკვიდრი ბადრი ვერძაძე გვიყვება.
„მეიდან ოდას“ მიმდებარედ, სოფელ ზუნდაგაში, საუკუნეზე მეტ სტორიას ხნის ბევრი საცხოვრებელი სახლია, მათგან სამი განსაკუთრებული არქიტექტურული სტილით გამოირჩევა. კედლები ხეში ჩასმული ქვითაა აშენებული. სამივე, ლაზ ოსტატებს აუშენებიათ. მათ შორის ერთ-ერთი ბადრი ვერძაძის სახლია.
სოფელში ხის ძველი მეჩეთიცაა. საკულტო ნაგებობაზე მშენებლობის დროს ამოკვეთილი თარიღის მიხედვით, სალოცავი 119 წლის უნდა იყოს. იმამის თქმით, სალოცავი საბჭოთა ეპოქისაგან სოფელს გადაურჩენია და სხვა ფუნქცია შეუთავსებია. მოგიანებით კი სალოცავს პირვანდელი სახე დაბრუნებია.
ქედის ამ სოფლეში მდებარე ისტორიულ ობიექტბს ამ ეტაპზე კულტურული მეკვკიდროების სტატუსი არ აქვს მინიჭებული. კულტურული მემკვიდრეობის დაცვის სააგენტოშო ამბობენ, რომ სიძველე ძეგლის სტატუსს არ განსაზღვრავს. ამისათვის ერთ-ერთი წინაპირობა, შენობის ისტორიაა.
სოფელი ზუნდაგა ქედის მუნიციპალიტეტში, ზღვის დონიდან 400 მეტრზე მდებარეობს. სოფლეში დაახლოებით 300 - მდე ადმაიანი ცხოვრობს.