05, ივლისი 2019 09:37:00
საქართველოს მთავრობის 2019 წლის 5 აპრილის N791 განკარგულების საფუძველზე, საქართველოს გაზის ტრანსპორტირების კომპანია საპროექტო სამუშაოებს აჭარის რეგიონის 4 მუნიციპალიტეტის 23 დასახლებულ პუნქტში ახორციელებს.
სამუშაოები მიმდინარეობს შუახევშიც. კომპანიის წარმომადგენლები შუახევის მუნიციპალიტეტის მერს ფრიდონ ფუტკარაძეს შეხვდნენ.
შეხვედრაზე მხარეებმა პროექტის მნიშვნელობასა და მის აუცილებლობაზე ისაუბრეს.
ამ დროისთვის სოფლის გაზიფიცირებისათვის საჭირო წინასაპროექტო მოკვლევის სამუშაოები მიმდინარეობს.
სპეციალისტებმა მუნიციპალიტეტის მასშტაბით შეისწავლეს დაბის, ბარათაულის, დღვანის, უჩამბის, ოლადაურისა და ზამლეთის თემებში შემავალი სოფლები, ხოლო უახლოეს დღეებში შეისწავლიან წყალსაყრის, ჭვანისა და შუბნის თემებს.
შედეგები წარედგინება საქართველოს ეკონომიკისა და მდგრადი განვითარების სამინისტროს შემდგომი ინიცირებისათვის.