09, ივლისი 2019 17:24:00
გოგებაშვილის ქუჩაზე სუვენირების ჯიხური და ღვინის მაღაზია გაძარცვეს. წაღებულია აქსესუარები და ღვინოები. შემთხვევა დღეს დილით მოხდა. მეპატრონეების თქმით, დანაშაული სამმა ახალგაზრდა კაცმა ჩაიდინა, რომლებიც სავარაუდოდ ნასვამ მდგომარეობაში იმყოფებოდნენ. მაღაზიის მეპატრონე უკვე დაკითხეს. ერთ-ერთი ბრალდებული დაკავებულია. შინაგან საქმეთა სამინისტროში ამბობენ რომ დაკავებული სავარაუდოდ არასრულწლოვანია. გამოძიება ქურდობის მცდელობის მუხლით მიმდინარეობს.