რატომ აქტიურდებოდა მმართველი გუნდი მხოლოდ არჩევნებზე? ქართული ოცნება -დემოკრატიული საქართველოს თავმჯდომარემ აღიარება რომ ხალხთან მეტი კომუნიკაციაა აუცილებელი. ბიძინა ივანიშვილი, რომელიც დღეს ბათუმში იმყოფებოდა, გავრილოვის ვიზიტს, აქციის დარბევას, მოქალაქეების პროტესტს, გახარიას წასვლის საკითხს, ლავროვის კომენტარს, ასევე რუსეთის ოკუპაციის თემებს შეეხო. ოლიგარქმა კიდევ რამდენიმე საკითხზე გააკეთა კომენტარი.
ბიძინა ივანიშვილის აღიარებით ქართული ოცნება, აქამდე, მხოლოდ, არჩევნებზე აქტიურდებოდა. პარტიის თავმჯდომარემ დააანონსა, რომ ამიერიდან საზოგადოებასთან მჭიდრო კომუნიკაცია ექნება.
მამუკა ხაზარაძის, სავარაუდო პოლიტიკურ გეგმებზე, ივანიშვილმა თქვა, რომ მიესალმება ბიზნესმენების პოლიტიკაში მოსვლას.
ნაციონალური მოძრაობის ვერსიას, რომ 20 ივნისს აქციის დარბევის ბრძანება ბიძინა ივანიშვილმა გასცა, სისულელე უწოდა.
ბიძინა ივანიშვილის თქმით, თბილისში მიმდინარე აქციებზე მონაწილეებს თავს რუსთავი ორი და ნაციონალური მოძრაობა უყრის.
ივანიშვილი ფიქრობს, რომ 20 ივნისის ღამეს აქციის დარბევისას, ძალა ლეგიტიმურად იყო გამოყენებული. მისივწ თქმით, დიპლომატიურ კორპუსს, შინაგან საქმეთა მინისტრის პასუხისმგებლობაზე ეჭვები არ აქვს.
ივანიშვილი ამბობს, რომ გახარიას გადადგომა სამშობლოს ღალატი იქნებოდა. მისი თქმით, ძალოვანი უწყების მინისტრმა სახელმწიფო ინსტიტუტები და თავად მოძალადეებიც კი, ღირსეულად დაიცვა.
ლავროვის განცხადების კომენტირებისას , საქართველოსთან ავიარეისების აღდგენის სანაცვლოდ „რუსთავი 2“ დაგმობის თაობაზე, ბიძინა ივანიშვილმა თქვა, რომ მაუწყებელი ამას იმსახურებს.
პარტიის თავმჯდომარემ, უვიცები უწოდა მათ, ვინც რუსული ბაზრის სხვა ბაზრით ჩაბაცვლებაზე ლაპარაკობს. თქვა, რომ რუსეთთან სავაჭრო ურთიერთობები აუცილებელია.
ოლიგარქმა რუსულ ოკუპაციაზეც ისაუბრა და თქვა, რომ ამაში ლომის წვლილი ნაციონალურ მოძრაობას მიუძღვის. მისივე განცხადებით მ სწორედ ამ ოპოზიციურ ფრთას სურს ტურისტის ნაცვლად რუსის ჯარი შემოვიდეს ქვეყანაში.
გავრილოვის ვიზიტთან დაკავშირებულ კითხვაზე პარტიის თავმჯდომარემ ჟურნალისტებს კითხვითვე უპასუხა.
ივანიშვილმა დღესაც გაიმეორა, რომ გავრილოვის პარლამენტის სპიკერის სავარძელში მოთავსება, პროტოკოლური შეცდომა იყო და კობახიძე დამნაშავე არაფერშია.
ივანიშვილი, „რუსთავი 2“-ის საკითხსაც შეეხო და თქვა, რომ სტრასბურგის სასამართლოს გადაწყვეტილებას, ხელისუფლება, ანგარიშს გაუწევს.
ოლიგარქმა კომენტარი რივიერას ტერიტორიის განაშენიანების საკითხზე გააკეთა. თქვა, რომ პროექტის არ განხორციელება, ნაციონალური მოძრაობის ინტერესებშია
შეხვედრას, რომელიც ბათუმში დღეს შედგა, ბიძინა ივანიშვილთან ერთად პოლიტიკური მდივანი ირაკლი ღარიბაშვილი, გენერალური მდივანი კახა კალაძე და სხვა წევრები დაესწრნენ.
8
s
s
s