18, ივლისი 2019 20:32:00
დაგეგმა თუ არა მოვლენების ამდაგვარი განვითრება მმართველი გუნდმა და იყო თუ არა ტელევიზიის გენერალური დირექტორის გაშვება ივანინიშვილის პოლიტიკური ინტერესი? რა სარჩულს ხედავენ პოლიტიკური ძალები გადაწყვეტილების მიღმა და როგორ აფასებებნ განვითრებულ მოვლენებს მესამე სექტორის წარმომადგენელი? დადგება თუ არა ქვეყანაში, თავისუფალი სიტყვის ჩახშობის საშიშროება ?
მესამე სექტორში ფიქრობენ, რომ სტრასბურგის სასამართლოს კომპეტენციის ფონზე, „რუსთავი 2-ის“ საქმისთვის პოლიტიკურ სარჩულზე საუბარი ქვეყნისთვის საზიანოა. არჩილ ხახუტაიშვილი, გვარამიას განცხადებას სახელშეკრულებო გარანტიებზე სამართლებლივად სწორად მიიჩნევს, თუმცა მეორე მხარეზეც საუბრობს.
ოპოზიციის თქმით, ქიბარ ხალვაში ივანიშვილის ინტერესებს ატარებს და სტრასბურგის სასამართლოს ამ გადაწყვეტილებით, ქვეყანაში, თავისუფალი სიტყვის ჩახშობის საშიშროება დგება. გია აბულაძე, ევროპული სასამართლოს გადაწყვეტილების, დიდ პალატაში გასაჩივრებაზე საუბრობს.
უმრავლესობა კი ამბობს, რომ ევროპული სასამართლოს გადაწყვეტილება განსჯის საგანი არ უნდა გახდეს. გვარამიას განცხადებაზე, ხელშეკრულებით გათვალისწინებულ გარანტიებზე კი, ამბობენ, რომ მაუწყებლის საორგანიზაციო საკითხები, ამის შემდეგ, მხოლოდ კანონიერი მფლობელის გადასაწყვეტია.
საჯარო რეესტრის მიერ, სამაუწყებლო კომპანიის მეწილეების გადაწყვეტილების მიღებისთანავე ცვლილებას, იურისტი არასახელმწიფოებრივ ნაბიჯად მიიჩნევს. გიორგი ხიმშიაშვილის შეფასებით, სასამართლოს გადაწყვეტილება ძალაში არ არის შესული და გასაჩივრებას ექვემდებარება.
ევროპული სასამართლოს გადაწყვეტილება, „რუსთავი 2“-ის შესახებ, გასაჩივრებას, დიდ პალატაში ექვემდებარება.