19, ივლისი 2019 17:11:00
ბათუმის კორტების სცენა უკვე მეცამეტედ მთავარ მუსიკალურ ეპიცენტრად გადაიქცა, რაც ნიშნავს იმას, რომ ბათუმის შავი ზღვის ჯაზფესტივალმა სტარტი აიღო. სამი დღის განმავლობაში, მელომანების წინაშე მსოფლიოში ცნობილი მუსიკოსები წარდგებიან. პირველი, ვინც დამსწრე საზოგადოებას ეწვია, კორი ჰენრი და მისი ბენდი The Funk Apostles იყვნენ. ფესტივალიც ტრადიციულად მასშტაბურად და ემოციურად გაიხსნა. მუსიკის სიყვარულით გაერთიანებული მელომანები მუსიკოსების მიერ შეთავაზებულმა კონცერტმა გულგრილი არ დატოვა. დღეს კი სცენაზე ქართული ჯგუფი MOKUMOKU და ჰოლანდიური ფანჯ-ჯგუფი Kraak and Smaak გამოვლენ. ფესტივალი ხვალ, ცნობილი ბრიტანული „ინკოგნიტოს" გამოსვლით დასრულდება. შავი ზღვის ჯაზ ფესტივალი „ჩექ ინ ჯორჯიას“ ფარგლებში იმართება.