ორშაბათი 26, აგვისტო 2019

R 2 საგანგებო რეჟიმში მაუწყებლობს

19, ივლისი 2019 20:40:00

ბოლო 2  დღის  განმავლობაში განვითარებული  მოვლენების გამო რუსთავი 2 საგანგებო რეჟიმში მაუწყებლობს.  პარალელურ რეჟიმში კი ახალი გენერალური დირექტორი სხვდასახვა რგოლის წარმომადგენელებთან შეხვედრებს მართავს. პაატა სალია დღის ბოლოს ჟურნალისტებთან გასაუბრებას გეგმავს. არხის თანამშრომლები დამოუკიდებლობის ხელშეუხებლობის გარანტიებს ითხოვენ. რას ფიქრობენ მედია 

რუსთავი 2-ის ახალი გენერალური დირექტორი ასევე, ქიბარ ხალვაშის ადვოკატი პაატა სალია დილიდან ტელეკომპანიაში იმყოფება და შეხვედრებს მართავს. ის უკვე შეხვდა არხის ფინანსურ დირექტორს და ადამიანური რესურსების მართვის დეპარტამენტის უფროსს. სალიას თქმით, დღის ბოლოს მას შემდეგ, რაც საინფორმაციო გამოშვებები დასრულდება ჟურნალისტებსაც შეხვდება და ეცდება მათ ყველა კითხვას ამომწურავად უპასუხოს. 
 
რუსთავი 2-ის თანამშრომლები კი ახალი ხელმძღვანელისგან საინფორმაციო პოლიტიკის ხელშეუხებლობის გარანტიებს ითხოვენ. მათ გუშინ შესთავაზეს კიდეც არხის ახალ გენერალურ დირექტორს მინიმუმ 2 წლიანი კონტრაქტები გაფორმდეს, რაც იმის გარანტია იქნება, რომ ტელეკომპანიის საინფორმაციო პოლიტიკა არ შეიცვლება. რუსთავი 2-ის იურისტი მიიჩნევს, რომ სურვილის შემთხვევაში არხის ახალი ხელმძღვაბნელობა კონტრაქებს მაინც გააუქმებს, თუმცა დიმიტრი საძაგლიშვილის თქმით, ზეპირ განცხადებას, რომ ჟურნალისტების დამოუკიდებლობას საფრთხე არ დაემუქრება მაინც სამართლებრივი დოკუმენტის არსებობა ჯობია. 

მედია ექსპერტები კი დარწმუნებული არიან, რომ რუსთავი 2-ის სარედაქციო პოლიტიკა ახალი ხელმძღვანელების პირობებში აუცილებლად შეიცვლება.

ტელეკომპანიის ყოფილი მფლობელები გუშინ, სტრასბურგის სასამართლოს მიერ მიღებულ გადაწყვეტილებას - რომ რუსთავი2-ის საქმის განხილვისას საქართველოს სასამართლოებში  სამართლიანი სასამართლოს უფლება არ დარღვეულა, სტრასბურგის სასამართლოს დიდ პალატაში გაასაჩივრებენ. 

როდის დასრულდება რუსთავი 2-ის ყოფილი მფლობელების მიერ სტრასბურგის სასამართლოს დიდ პალატაში წარსადგენი სარჩელის მომზადება უცობია, ტელეკომპანიის ყოფილ მფლობელებს ამისთვის 3 თვიანი ვადა აქვთ. 

ავტორი(ები)

216