30, ივლისი 2019 17:06:00
საქართველოს ოლიმპიური დელეგაცია ბაქოდან სამშობლოში დაბრუნდა. ევროპის რიგით XV ახალგაზრდულ ოლიმპიურ ფესტივალს აზერბაიჯანის დედაქალაქმა ბაქომ უმასპინძლა. სპორტის 10 სახეობაში 49 ქვეყნის 3600-მდე სპორტსმენმა მიიღო მონაწილეობა. მათ შორის საქართველოს 36 სპორტსმენი წარმოადგენდა. ქართველმა სპორტსმენებმა ევროპის ახალგაზრდულ ოლიმპიურ ფესტივალზე სპორტის 2 სახეობაში 13 მედალი მოიპოვეს - 1 ოქრო, 5 ვერცხლი და 7 ბრინჯაო. საერთო გუნდურ ჩათვლაში კი 21-ე ადგილი დაიკავეს.