კვირა 18, აგვისტო 2019

ბათუმის დინამოს ახალი სპონსორი ჰყავს

02, აგვისტო 2019 15:17:00

კომპანია ევროპაბეთი საფეხბურთო კლუბ ბათუმის დინამოს გენერალური სპონსორი გახდა. მხარეებმა 1,5-წლიანი კონტრაქტი გააფორმეს. ევროპაბეთი ამ პერიოდში ბათუმის დინამოში 600 000 ლარზე მეტ ინვესტიციას განახორციელებს. ბათუმის დინამოს მთავარი მედია-პარტნიორი POPSPORT.COM იქნება.

ევროპაბეთს აჭარაში ბევრი ერთგული მომხმარებელი ჰყავს - ბათუმის დინამოს გენერალური სპონსორობა კომპანიის მხრიდან მათთვის ერთგვარი საჩუქარია. არჩევანის ბათუმური კლუბის სასარგებლოდ გაკეთებისას გადამწყვეტი ის ემოცია და სიხარული იყო, რომელიც დინამო ბათუმის საშინაო მატჩებზე ყოველთვის განსაკუთრებით მკვეთრადაა გამოხატული.

ევროპაბეთის მიზანია, რომ ფეხბურთით სიამოვნებისა და სიხარულის გამოხატვის ეს ფენომენი უფრო მასშტაბური გახდეს - განაცხადეს კომპანიის წარმომადგენლებმა

ევროპაბეთს ქართულ სპორტში ინვესტირების დიდი გამოცდილება აქვს. 2017 წელს კომპანია ევრობასკეტზე, საქართველოს ეროვნული საკალათბურთო ნაკრების სპონსორი იყო.

ავტორი(ები)

194