ყვარელში, საქართველოს პარლამენტის წევრებსა და ადგილობრივი თვითმმართველობის ორგანოს თანამშრომლებს შორის ამხანაგური საფეხბურთო მატჩი გაიმართა. ყვარლის მერიის განცხადებით, მატჩი სპორტულ-კულტურული კვირეულის ფარგლებში შედგა, რომლის მიზანი ჯანსაღი ცხოვრების წესის პოპულარიზაციაა.
თამაშში „ქართული ოცნების“ აღმასრულებელი მდივანი, პარლამენტის ყოფილი თავმჯდომარე ირაკლი კობახიძე, ლაგოდეხისა და ყვარლის მაჟორიტარი, გურამ მაჭარაშვილი, სპორტისა და ახალგაზრდულ საქმეთა კომიტეტის თავმჯდომარე, მიხეილ ყაველაშვილი, პარლამენტის საპროცედურო საკითხთა და წესების კომიტეტის თავმჯდომარე, გიორგი კახიანი და სხვები მონაწილეობდნენ.
„ჩვენს ახალგაზრდებს, მომავალ თაობებს მსგავსი აქტივობებით კიდევ ერთხელ ვახსენებთ, რომ უმნიშვნელოვანესია სპორტი, ჯანსაღი ცხოვრების წესი, ჩვენი უკეთესი მომავლისთვის“, – აცხადებს ყვარლის მერი, როსტომ სესიაშვილი, რომელიც თამაშს ესწრებოდა.
წყარო: reginfo
15
s
s
s