საქართველოს ფინანსთა სამინისტროს საგამოძიებო სამსახურმა მინერალური წყლების, “ლიკანისა“ და “ბორჯომის“ ფალსიფიცირების ფაქტი გამოავლინა. უწყების მიერ გავრცელებული ინფორმაციის თანახმად, გამოძიებით დადგინდა, რომ ერთერთ მოქალაქეს, საცხოვრებელი სახლის სარდაფში, სასმელების ჩამოსასხმელი დანადგარები კუსტარულად ჰქონდა მოწყობილი და შემდგომი რეალიზაციის მიზნით მინერალური წყლების, „ბორჯომისა“ და „ლიკანის“ ფალსიფიკაციას ახდენდა. ექსპერტიზის დასკვნით, რეალიზაციისთვის განკუთვნილი პროდუქცია არასათანადო სანიტარულ პირობებშია დამზადებული და საფრთხეს უქმნის ადამიანის სიცოცხლესა და ჯანმრთელობას. გამოძიება სისხლის სამართლის კოდექსის 197-ე მუხლის მეორე და მესამე ნაწილით მიმდინარეობს, რაც სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.
4
s
s
s