საკონსტიტუციო სასამართლომ საერთო სასამართლოების შესახებ ორგანული კანონის შესახებ სარჩელი არ დააკმაყოფილა. საქმეში დავის საგანს მოსამართლეთა თანამდებობაზე გამწესების შესახებ იუსტიციის უმაღლესი საბჭოს გადაწყვეტილების დასაბუთების მოთხოვნა და მოსამართლედ გამწესებაზე უარის თქმის გასაჩივრების შესაძლებლობა წარმოადგენდა. საკონსტიტუციო სასამართლომ განმარტა, რომ კანონმდებლობაში მიმდინარე წელს ცვლილებები განხორციელდა და ორგანულ კანონს რიგი დებულებები დაემატა რომლებიც მოსამართლეთა გამწესებაზე უარის თქმის გასაჩივრების შესაძლებლობას და მოსამართლედ გამწესების დასაბუთებას ითვალისწინებს. შესაბამისად საკონსტიტუციო სასამართლოს გადაწყვეტილებით არსებული საკანონმდებლო რეალობიდან გამომდინარე მოსარჩელის მოთხოვნა პრობლემური აღარ არის. გადაწყვეტილებას სამი მოსამართლის გიორგი კვერენჩხილაძის, მაია კოპალეიშვილისა და ირინე იმერლიშვილის განსხვავებული აზრი დაერთო.
1
s
s
s