07, აპრილი 2017 20:02:00
აჭარის განათლების, კულტურისა და სპორტის მინისტრი ინგა შამილიშვილი მოადგილეებთან ერთად ბათუმის მე-14 და 28-ე საჯარო სკოლებში მიმდინარე სარეაბილიტაციო სამუშაოებს გაეცნო. პროექტის მიხედვით ბათუმის N14-ე საჯარო სკოლაში დაგეგმილია - არსებული სახურავის დემონტაჟი და ახლის მოწყობა, დაზიანებული ფასადისა საპირფარეშოს რეაბილიტაცია და ნაგებობის შშმ პირთათვის ადაპტირება. N28-ე საჯარო სკოლის გადახურვა კი უკვე მიმდინარეობს. ასევე განხორციელდება დაზიანებული ფასადის სრული რეაბილიტაცია და სპორტული დარბაზის კეთილმოწყობა. სკოლების რეაბილიტაცია ქვეპროგრამის - ,,საჯარო სკოლების ინფრასტრუქტურის გაუმჯობესება“ ფარგლებში მიმდინარეობს.