შაბათი 24, აგვისტო 2019

რჩევები როგორ უნდა დაეხმაროთ პირველკლასელ შვილს სკოლასთან ადაპტაციაში

14, აგვისტო 2019 13:27:00

პირველი კლასის დაწყება ერთგვარი კრიზისი და სტრესია ბავშვისთვის.  ეს არის ნორმალური ადამიანის რეაქცია ცვლილებებზე. იმისთვის, რომ კრიზისი არ გადაიქცეს ნევროზად, თქვენ უნდა დაეხმაროთ თქვენს შვილს ახალ რეალობასთან ადაპტაციაში.

პირველ კლასში მისვლისას ბავშვს ეცვლება დღის რეჟიმი, უნდა გაიცნოს ახალი ბავშვები, შეეგუოს  მასწავლებელს. მნიშვნელოვანია, რომ მშობლებმა დროულად შეამჩნიოს განიცდის თუ არა ბავშვი სირთულეებს და შეეცადოს მისთვის მხარდაჭერის გაწევას.  საშუალოდ ადაპტაციის პერიოდი გრძელდება ექვს თვემდე. ამას შეიძლება თან ახლდეს ბავშვის ქცევისა და განწყობის გარკვეული მოულოდნელი ცვლილებები.

და მაინც როგორ შეუძლიათ მშობლებს დაეხმარონ  ბავშვს  სკოლასთან ადაპტაციაში?

ჰკითხეთ საკუთარ თავს: „რატომ მიდის ჩემი შვილი სკოლაში?“

ხშირად მშობლებს აქვთ პირადი მოლოდინები: რომ მან სწრაფად აითვისოს საგნები, მიიღოს კარგი შეფასება და ა.შ. როდესაც საკუთარ თავს გულწრფელად უპასუხებთ ამ კითხვაზე, მიხვდებით შეძლებს თუ არა თქვენი შვილი სკოლასთან ადაპტაციას.

შექმენით მშვიდი ატმოსფერო თქვენი შვილისთვის

პირველი სასწავლო წლის კრიზისი შეიძლება გამწვავდეს, თუ ბავშვის გარშემო ნერვული ატმოსფერო იქმნება. მნიშვნელოვანია იცოდეთ, თუ რამდენად შეშფოთებულია და წუხს ბავშვი. პირველ რიგში, აუცილებელი არ არის თქვენი შვილი  განიცდიდეს ყველა იმ ნეგატიურ გამოცდილებას, რაც თქვენ გაქვთ განცდილი თქვენს სკოლის წლებში. ახლა სწავლისადმი მიდგომა შეიცვალა, მასწავლებლები უკვე განსხვავებულები არიან და განსხვავებული დამოკიდებულება აქვთ ბავშვების მიმართ.

დაე, დაუშვას ბავშვმა შეცდომები, შეამცირეთ თქვენი მოლოდინები, რადგან შეცდომის დაშვების გარეშე რაღაცის სწავლა შეუძლებელია. 

თუ თანმიმდევრულად შეასრულებთ  ჩამოთვლილ ყველა რეკომენდაციას, თქვენი პირველკლასელი შეძლებს  ადაპტირებას ახალ გარემოში და „სწრაფად ჩაერთვება“ სასწავლო პროცესში.

ავტორი(ები)

198

დღის ამბები