16, აგვისტო 2019 15:53:00
საქართველოს სახელმწიფო საგარეო ვალი ერთი წლის განმავლობაში 193 მლნ დოლარით გაიზარდა. თუ 2018 წლის ივლისის მონაცემებით, მთავრობას 5,168 მლრდ დოლარის ვალი ჰქონდა, წელს ამ მაჩვენებელმა 5,361 მლრდ დოლარამდე მოიმატა.
საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB); მსოფლიო ბანკის განვითარების საერთაშორისო ასოციაცია (IDA) და რეკონსტრუქციისა და განვითარების საერთაშორისო ბანკი (IBRD).
კერძოდ, IDA -ს მიმართ ვალი 998,3 მლნ დოლარია; IBRD-ის მიმართ სახელმწიფოს საგარეო ვალი 896,4 მილიონი დოლარია, აზიის განვითარების ბანკის (ADB)-ის 1,146 მლრდ დოლარი, ევროპის საინვესტიციო ბანკის (EIB) - 461,6 მლნ დოლარი, საერთაშორისო სავალუტო ფონდის (IMF) - 20,6 მლნ დოლარი.
აღსანიშნავია, რომ 2019 წლის ივნისთან შედარებით, ივლისში საქართველოს სახელმწიფო ვალი 77 მლნ დოლარით, 5,438 მლრდ დოლარიდან 5.361 მლრდ დოლარამდე შემცირდა.