თურქეთში, სავარაუდოდ, საქართველოს მეფის, რუსუდანის ასულის, თამარ (გურჯი) ხათუნის საფლავი აღმოაჩინეს, - ამის შესახებ ინფორმაციას საქართველოს საელჩო თურქეთში საკუთრ ფეისბუქგვერდზე ავრცელებს.
უწყების ცნობით, თურქეთში, ქალაქ ერზერუმის პასინლერის რაიონში არქეოლოგიური გათხრები ჩატარდა, რომლის შედეგადაც, სავარაუდოდ, სულთან ალაედინ ქეიყუბად II-სა და მისი დედის, გურჯი ხათუნად წოდებული თამარ დედოფლის სარკოფაგები აღმოაჩინეს.
საელჩოს ცნობით, აღნიშნულ საკითხზე მოკვლევას იწყებენ.
თამარი, გურჯი-ხათუნი თამარ მეფის შვილიშვილი, რუსუდან მეფისა და არზრუმის სულთნის ტოღრილის შვილის, მოღის ედ დინის ასული იყო. საქართველოს პარლამენტის ეროვნულ ბიბლიოთეკაში განთავსებული ცნობების მიხედვით, იგი 13 წლის ასაკში რუმის 17 წლის სულთანს ყიას ად–დინ ქეი ხუსრევ II მიათხოვეს. მე-13 საუკუნეში მოღვაწე დედოფლის დაბადებისა და გარდაცვალების თარიღი ცნობილი არ არის. ასევე, გურჯი ხათუნის ცხოვრების ბოლო წლების შესახებ წერილობითი წყაროები არ არსებობს, გადმოცემები კი ურთიერთგამომრიცხავია – ზოგი ვერსიით ის კონიაში (რუმის სასულთნოს დედაქალაქი) გარდაიცვალა, ზოგი ვერსიით კი საქართველოში გამოიპარა და აქ განისვენებს. თანამედროვეთათვის გურჯი ხათუნის საფლავი უცნობია.
23
s
s
s