17, აგვისტო 2019 18:43:00
სტამბოლში წყალმოვარდნის შედეგად, ერთი ადამიანი დაიღუპა. აღნიშნულ ინფორმაციას თურქული მედია ავრცელებს.
თურქული მედიის ცნობით, ქალაქში წყალდიდობა ძლიერმა წვიმამ გამოიწვია. შედეგად დაიტბორა რამდენიმე დასახლება, მათ შორის საცხოვრებელი სახლები, ბაზრები და მიწისქვეშა გადასასვლელები. ადგილობრივი მედიის ინფორმაციით, დაღუპული სწორედ ერთ-ერთ დატბორილ მიწისქვეშა გადასასვლელში იპოვეს. სტიქიამ დააზიანა ასევე ტურისტებისთვის ერთ-ერთი პოპულარული ადგილი – „გრანდ ბაზარი“.
წყალმოვარდნის გამო შეფერხებით მოძრაობს საზოგადოებრივი ტრანსპორტი. ადგილობრივმა ხელისუფლებამ სრუტეზე ბორანით გადაადგილება დროებით შეაჩერა.
წყარო: 2020news.ge
4169
s
s
s