19, აგვისტო 2019 20:08:00
,,კონსტიტუციური დემოკრატია-თანამედროვე გამოწვევები“- ბათუმის შოთა რუსთაველის სახელმწიფო უნივერსიტეტისა და მიკოლას რომერის უნივერსიტეტის პარტნიორობით საზაფხულო სკოლა გაიხსნა. ერთი კვირის განმავლობაში ქართველი და უცხოელი სტუდენტები კონსტიტუციური სამართლის საკითხებს გაეცნობიან. ახალგაზრდები კონსტიტუციური დემოკრატიის მნიშვნელოვანი ინსტიტუტების შესახებ პროფესიულ ცოდნასაც გაიღრმავებენ. საზაფხულო სკოლის ფარგლებში 22 აგვისტოს ტეხასის უნივერსიტეტის პროფესორის რიჩარდ ალბერტსის წიგნის პრეზენტაცია გაიმართება.