20, აგვისტო 2019 20:10:00
პენსიაზე გასვლის სანაცვლოდ ფულადი ჯილდოს მისაღებად პედაგოგების რეგისტრაციის ვადა, დღეს იწურება. პროცედურა ორ ეტაპას მოიცავს. მასწავლებლები, რომლებიც დღის ბოლომდე გამოხატავენ სურვილს ჯილდოს მიღებაზე, ორი წლის ხელფასის ჯამურ ოდენობას ოქტომბრის დასაწყისში მიიღებენ. მეორე ეტაპი კი 2019 წლის ბოლომდე განხორციელდება. ამასთან, თუ ჯილდოს მიღების მსურველ პედაგოგს ჯერ კიდევ არ გაუკეთებიათ განაცხადი სკოლის დირექტორის სახელზე, მათ ამის შესაძლებლობა დღეს, 24 საათამდე აქვთ.