11, აპრილი 2017 20:24:00
ეწ „რვაფეხა“იგივე კაფე „ფანტაზია“ შესაძლოა შემოიღობოს და დროებითი, მსუბუქი კონსტრუქციით გადაიხუროს. საკითხზე აჭარის კულტურული მემკვიდრეობის ზონალურმა საბჭომ დღეს იმსჯელა. მორიგ სხდომაზე საბჭოს წევრებმა როგორც ფიზიკური პირების, ისე სამშენებლო კომპანიების განაცხადები განიხილეს. მათი ნაწილი საცხოვრებლის რეკონსტრუქციის პროექტის შეთანხმებას, ნაწილი მანსარდის დაშენებას, აივნის მიშენებას ან არქიტექტურულ პროექტებში ცვლილებებს ითხოვს. დღეს სულ 21 საკითხი განიხილეს. თითოეულ წერილზე საბჭოს წევრებს არგუმენტირებული დასკვნები ხვალისთვის ექნებათ. სხდომას „ბათომის“ წევრებიც ესწრებოდნენ. მათ აღნიშნეს, რომ ისტორიულ-არქიტექტურული კვლევა არა არქიტექტორმა, არამედ ხელოვნებათმცოდნემ უნდა მოამზადოს. აჭარის კულტურული მემკვიდრეობის დაცვის სააგენტოს უფროსის მოვალეობის შემსრულებლის განცხადებით, ამის კანონის დონეზე მოთხოვნა არ არსებობს, თუმცა საკითხის განხილვისთვის ცალკე შეხვედრა მოეწყობა.